salfelag

Árshátíð FSSS

Thu, 09 Apr 2026 14:09:35 GMT

Árshátíð og aðalfundur

Árshátíð og aðalfundur félags sjálfstætt starfandi sálfræðinga verður haldin þann 8. maí n.k.

Kæru félagsmenn, takið daginn frá!

Hlökkum mikið til þess að gleðjast með ykkur á okkar stærstu uppskeruhátíð ��

Lofum léttleika og góðri stemningu. Nánari upplýsingar verða síðan sendar á félagsmenn með tölvupósti og að finna á félagasvæði FSSS.

Lög um rafræna sjúkraskrá

Sat, 21 Mar 2026 14:42:02 GMT

Ný lög um rafræna sjúkraskrá taka gildi 1. desember 2026

Vekjum við athygli sálfræðinga á lagabreytingu Embætti Landlæknis sem tekur gildi þann 1. desember 2026 um stafræna sjúkraskrá.

Hægt er að skoða lagabreytinguna Landlæknis hér:

https://island.is/.../breytingar-a-loegum-um-sjukraskrar

Umræðumál

Sat, 21 Mar 2026 14:35:54 GMT

Lög um rafræna sjúkraskrá

Stjórn FSSS barst ábending frá lögmanni um eftirfarandi breytingar á lögum um sjúkraskrár. Virðist sem að þetta hafi ekki verið kynnt og lítið farið fyrir en ákvörðunin tekur gildi í desember 2026.

Viljum við því kalla eftir umræðum meðal félagsmanna.

Hverjir eru þegar að notast við rafræna sjúkraskrá?

Hvaða tegund af sjúkraskrá?

Hvernig hafa félagsmenn hugsað sér að bregðast við auknum rekstrarkostnaði vegna þessa o.s.frv.

Hægt er að lesa um lagabreytingarnar hér:

https://island.is/.../breytingar-a-loegum-um-sjukraskrar

Hægt er að lesa um ferlið hér:

https://www.stjornarradid.is/efst-a-baugi/frettir/stok-frett/2025/11/21/Breytingar-a-logum-um-sjukraskrar-samthykktar-a-Althingi

Hagsmunamál

Sat, 21 Mar 2026 14:19:37 GMT

Niðurgreiðsla sálfræðiþjónustu

Eitt af okkar stærstu hagsmunamálum er niðurgreiðsla sálfræðiþjónustu. Snýst þetta ekki eingöngu um betri kjör fyrir sálfræðinga sem kjósa að nýta sér niðurgreiðsluna vegna sálfræðimeðferðar barna og fullorðinna, heldur er þetta staðfesting á þeim gæðum sem sjálfstætt starfandi sálfræðingar hafa fram að færa, að okkur sé treyst sem fullgildir meðlimir heilbrigðiskerfisins og að sérfræðiþekking og reynsla okkar sé metin eftir verðleikum.

Síðustu áratugina hefur því miður lítið þokast áfram í hagsmunamálum sálfræðinga (þá bæði hjá hinu opinbera og sjálfstætt starfandi). Á meðan aðrar stéttir hafa margar diplómur og viðbótarnám til sérhæfingar þá höfum við eingöngu HAM diplómunám, Jákvæða sálfræði og Hagnýta atferlisfræði. Eru þessar diplómur einnig opnar öðrum fagstéttum og styður því hvorki við sérhæfingu sálfræðinga né styrkir stöðu um að vera samkeppnishæf öðrum starfsstéttum. Fyrir 10 árum stóðum við framar t.a.m. félagsráðgjöfum í launakjörum og sérhæfingu. Í dag er óskað eftir ,,sálfræðingi, félagsráðgjafa eða hjúkrunarfræðingi" í sama starfið. Mörg dæmi hafa borist stjórn frá félagsmönnum sl. ár um að ráðin sé önnur starfsstétt í stöðugildi sálfræðinga. Á heilbrigðisstofnunum s.s. á Bugl og Heilbrigðisstofnun Norðurlands eru félagsráðgjafar yfirmenn sálfræðinga sem þar starfa. Í starfshópi á vegum Heilbrigðissráðuneytis sem vinnur að umbreytingu heilbrigðiskerfis, leiddur af hjúkrunarfræðingum og félagsráðgjafa, var lagt upp með að taka greiningar af sálfræðingum og þjálfa aðrar stéttir (félagsráðgjafa, hjúkrunarfræðinga, þroskaþjálfa) í þeim ásamt því að koma félagsráðgjöfum og hjúkrunarfræðingum inn í alla grunnskóla. Fannst þeim þetta hagkvæmari leið í stað þess að auka við stöðugildi sálfræðinga í greiningum.

Hefur margt af þessu þegar gengið eftir og á félagsráðgjafaþingi 2026 var sérstakur fókus á ,,Skólafélagsráðgjafa". Kallaði stjórnarkona eftir svörum í heilbrigðisráðuneytisteyminu um hver ættu þá væru að vera verkefni skólasálfræðinga en fengust engin svör. Benti stjórnarkona einnig á að það væri ólöglegt að aðrar stéttir en sálfræðinga að notast við matstækin okkar en stendur til að taka yfir matstækjagagnagrunn okkar og opna fyrir aðrar stéttir. Vitað er með vissu að aðrar stéttir notist við greindarprófin okkar og önnur greiningarmatstæki, þá t.a.m. árum saman á Bugl. Heilbrigðisráðuneytið hefur nú hafið svipaða endurskipulagningu á heilbrigðisgeira fullorðinna og er stefnan sú sama í fullorðins og barnageiranum að Landspítali miðstýri allri geðheilbrigðisþjónustu.

Þess má geta að fyrir ári síðan voru umræður um samræmt sjúkrakerfi, þá einnig fyrir sjálfstætt starfandi sem stjórnarkona átti að ræða við félagsmenn um. Fullyrt var á þeim tíma (mars-maí) að engar ákvarðanir hefðu átt sér stað um það og sett á bið. Virtist þetta stafa af kostnaðinum við það, vildi Landlæknir/HRN ekki koma að því en mættu sálfræðingar ekki hækka taxta í kjölfarið. Stjórnarkonur fengu nýlega ábendingu frá lögmanni að lög um sjúkraskrárkerfi hjá sjálfstætt starfandi taka gildi í desember 2026 en voru ekki kynnt fyrir sálfræðingum. Útbúin verður sér umræða á öðrum þræði um þetta mál.

Ábyrgðin á öllu ofangreindu kemur í hlut Sálfræðingafélagsins. Áhyggjur stjórnar FSSS af hagsmunamálum sjálfstætt starfandi sálfræðingum, starfssviði okkar og sérhæfðingu eru því ekki úr lausu lofti gripnar. Sálfræðistöðugildi í opinbera geiranum hafa ekki aukist þrátt fyrir viðvarandi biðlista í barna og fullorðinssmálum áratugum saman. Hugsanleg þróun er að sjálfstætt starfandi sálfræðingum komi einnig til með að fækka þar sem aðrar stéttir eru þegar að gefa sig út fyrir sinna okkar verkefnum og þrengt er að sálfræðingum. Heilbrigðisráðherra virðist ætla sér að minnka einkageirann og er engin vinna hjá ráðuneytinu búin að eiga sér stað tengslum við hagsmuni og starfsvið sjálfstætt starfandi sálfræðinga.

Svo þótt að við vitum hvers vegna við skiptum máli sem starfsstétt, okkar sérhæfing og menntun sé allt önnur en hjá t.d. hjúkrunarfræðingum og félagsráðgjöfum, þá er staðan grafalvarleg hversu lítil þekking og virðing er á okkar starfssviði af hálfu starfsstétta sem eru háværari, telja sig á par við okkur (þ.e. við erum ónauðsynleg) og standa okkur langtum framar í samstöðu og samheldni.

Hagsmunamál sálfræðinga stuttlega reifuð:

Um síðustu aldarmót voru sérfræðingar í klínískri sálfræði svo til búnir að landa samningi við ríkið en setti Sálfræðingafélagið sig á móti þeim samningum og vildu að samið yrði beint við félagið. Varð því miður ekki af þeim samningum.

Árið 2015 náði stjórn FSSS samningi við Virk um að semja við sjálfstætt starfandi sálfræðinga sem hluta af endurhæfingu. Telst þetta afrek án efa stærsta hagsmunaskref sem náðst hefur fyrir sálfræðistéttina og reyndist það stjórn FSSS svo sannarlega ekki auðvelt að koma þessu í gegn.

Árið 2021-2 vann starfshópur á vegum Sálfræðingafélags Íslands , sem leiddur var af félagsmönnum FSSS, þar sem unnið var að niðurgreiðslu Sjúkratrygginga. Mikil vinna lág að baki skýrslunni sem starfshópurinn skilaði til þáverandi heilbrigðisráðherra. Var þessu því miður ekki fylgt eftir af félaginu og skilaði þetta engu. Sjúkratryggingar gerðu einhliða samning við sálfræðinga og áttu sér stór skref aftur á bak hvað varðar kjör, viðurkenningu á reynslu og sérfræðiþekkingu sálfræðinga eða skilning á langtíma meðferðum í flóknum málum. Viðbrögð Sjúkratrygginga við því hversu fáir sálfræðingar kusu að vera á samningum, voru að lækka allar kröfur um reynslu, endurmenntun og sérhæfingu meðal sálfræðinga sem færu á samning hjá þeim. Er þessu eins háttað hjá Virk og eru viðmiðin eingöngu að sálfræðingur hafi tveggja ára starfsreynslu.

Þann 13. nóvember 2025 var haldinn nefndardagur hjá Sálfræðingafélagi Íslands þar sem unnið var að þrennu: Niðurgreiðslu sálfræði viðtala, reglugerð um fjarviðtöl og stefnumótun Sálfræðingafélags Íslands. Af einskærri heppni vildi þannig til að þrír sjálfstætt starfandi sálfræðingar (og þar af tvær stjórnarkonur FSSS) voru í hópnum um niðurgreiðsluna. Einn sálfræðingurinn starfaði á LSH og tveir sálfræðingarnir störfuðu ekki sem klíniskir sálfræðingar. Höfðum við ekki aðgang að neinum gögnum og áttu sér því stað 1,5 klst spjall um málefnið sem vitanlega skilaði litlu. Mótstaða um að bæta kjör sálfræðinga hvað þetta varðaði, snéri helst að því að sálfræðingar kæmu til með að misnota niðurgreiðsluna með að bæta við 1-2 viðtölum sem væri ekki nauðsyn fyrir. Viðmót sem því miður er algengt í okkar garð, gerir störf okkar tortryggileg og dregur úr því að okkur sé mætt af verðleikum. Merkilega, á svipuðum tíma bárust fréttir af átaki hjá Reykjavíkurborg að ráðast í herferð gegn opinberu starfsfólki ,,Svartir sauðir misnoti réttindin" og Reykjavík ræðst í aðgerðir.

Í lok þessa nefndarfundar spurði stjórnarkona formanni SÍ hvort félagið legði upp með frekari vinnu þessu tengdu en var lítið um svör. Eftir fundinn óskaði stjórnarkona eftir fundargerð og upplýsingum um áframhaldandi vinnu þessu tengdu, jafnframt var formanni SÍ bent á að óþarfi væri að byrja vinnuna á núllpunkti og vísaði í mikla vinnu starfshópsins 2021, með tölvupósti. Einu svörin sem bárust var að fundargerð (spjall nefndarhópsins) yrði send þegar hann fengi hana afhenta en hefur fundargerðin enn ekki borist og engin frekari vinnu um þetta hagsmunamál áætlað.

Stjórn telur réttast að FSSS gæti sjálft að hagsmunamálum sjálfstætt starfandi sálfræðinga. Þess ber að geta að margir félagsmenn eru fróðari en stjórn um þessi málefni og hugmyndir hafa verið um að koma á laggir starfshópi FSSS sem starfar með stjórn og eru félagar okkar í Félagi sérfræðinga í klínískri sálfræði tilbúin að koma að slíkri vinnu með okkur. Stjórn er þegar að vinna í því að fá gögnin sem liggja að baki vinnuplagginu sem skilað var inn 2021 til þáverandi heilbrigðisráðherra, hið allra fyrsta með öðrum leiðum en í gegnum Sálfræðingafélagið. Hlutverk stjórnar er að gæta þess að hagsmunamálum, líkt og þessu, sé staðfastlega fylgt eftir.

Fyrsta verkefni starfshópsins yrði að kalla eftir samstarfi við Sálfræðingafélagið um hagsmunamál þetta og mun vinnan byggjast m.a. á fyrirliggjandi gögnum sem félagsmenn unnu ötullega að árið 2021-2.

Sálfræðingaþing

Fri, 20 Mar 2026 10:43:26 GMT

Mæting og umræður um erindin

Kæru félagmenn!

Við hvetjum ykkur til þess að mæta á Sálfræðingaþingið sem er haldið þann 25. - 27. mars n.k. á Hilton hóteli líkt og hefð er fyrir.

https://salfraedithing.is/skraning

Áhugavert er að sjá hverjir ætla að mæta á þingið, gott að vita af öðrum félagsmönnum þar og hvaða erindi vekja áhuga ykkar?

Bendum við ykkur jafnframt á vinnustofu Graham Music hjá Núvitundarsetrinu þann 25. mars frá kl 13-16.30 í Neskirkju .

Frábært framtak hjá sjálfstæðu sálfræðingunum á Núvitundarsetrinu ��

Sjá auglýsingu á facebook síðu Núvitundarsetrisins.

https://www.facebook.com/photo/?fbid=1364796159022979&set=a.561323342703602&locale=is_IS

Sálfræðingaþing

Fri, 20 Mar 2026 10:34:17 GMT

Sálfræðingaþing 25. - 27. mars

Líkt og fyrri ár hefst þingið með fræðsluerindi á miðvikudagskvöldi. Erindið er ætlað almenningi og krefst ekki fyrri þekkingar á sálfræði eða sálfræðimeðferð. Erindið verður flutt af dr. Paul Gilbert, prófessor við háskólann í Derby á Englandi og upphafsmanni samkenndarmiðaðrar sálfræðimeðferðar (Compassion Focused Therapy).

Á fimmtudeginum 26. mars verða ýmis námskeið og vinnustofur í boði fyrir sálfræðinga. Þar á meðal er vinnustofa með dr .Gilbert sem nefnist "Compassion as an antidote to harsh self-criticism and self-attacking". Sætafjöldi á vinnustofu dr. Gilbert er takmarkaður og félagar í Sálfræðingafélagi Íslands ganga fyrir um skráningu á vinnustofuna. Skráning á vinnustofu dr. Gilbert verður auglýst síðar, sem og aðrar vinnustofur á fimmtudeginum.

Sjálfur ráðstefnudagur Sálfræðiþings er svo föstudaginn 27. mars. Dagskrá dagsins verður með hefðbundnu sniði. Að lokinni afhendingu heiðursverðlauna og nemaverðlauna flytur Paul Gilbert gestafyrirlesari ávarp sitt: The nature and functioning of compassion: An evolutionary and brain state approach. Að erindi hans loknu tekur vísindadagskrá þingsins við með hefðbundnu sniði þar sem sálfræðingar og vísindamenn verða með málstofur, stök erindi og veggspjöld.

Sálfræðiþing 2026 er afmælisþing í margvíslegum skilningi. Árið 2001 útskrifaðist fyrsti Cand. Psych. hópurinn frá Háskóla Íslands. Þessir fyrstu sálfræðingar sem luku námi sínu til starfsréttinda á Íslandi eiga því 25 ára starfsafmæli vorið 2026. Fimmtán árum síðar, eða vorið 2016 útskrifaði Háskólinn í Reykjavík svo sálfræðinga í fyrsta sinn. Sá hópurá því 10 ára starfsafmæli nú í vor. Að síðustu vil ég nefna tímamót heilsugæslunnar en á árinu 2016 voru fyrstu yfirsálfræðingarnir ráðnir á heilbrigðisstofnanir sem þá voru nýstofnaðar eftir umfangsmiklar sameiningar í heilsugæslunni. Í kjölfarið tók við mikill uppbyggingartími sálfræðiþjónustu í heilsugæslu sem segja má að eigi nú 10 ára afmæli þó að sálfræðingar hafi áður verið starfandi á einstökum heilsugæslustövðum. Öll hafa þessi tímamót átt stóran þátt í að auka aðgengi almennings að sálfræðiþjónustu. Þessa viljum við minnast á Sálfræðiþingi 2026. Þess vegna eru starfandi sálfræðingar, ekki síst þau sem starfa í heilsugæslu, sérstaklega hvattir til að senda inn efni á þingið.

https://salfraedithing.is/skraning

Umræðumál

Fri, 20 Mar 2026 10:30:50 GMT

Reynslusögur af Virk

Stjórn hefur borist fregnir um starfshætti Virk í tengslum við sálfræðimeðferð og greiningu þar sem félagmenn hafa líst áhyggjum sínum hvernig staðið er að, þá sérstaklega með kortlagningu (greiningarviðtöl) skjólstæðinga af hálfu Virk og sérstaklega í tengslum við skjólstæðinga sem eru með flókna áfallasögu.

Lýsingar eru á þá vegu að skjólstæðingar, sem eru þá ýmist þegar í meðferð hjá sjálfstætt starfandi sálfræðingi, eða sálfræðingur að óska eftir fleiri viðtölum fyrir skjólstæðing sem vísað var af Virk, og hafa þá fyrirmæli um að kollvarpa eigi fyrri meðferðaráætlun sálfræðings.

Virðist sem að ákvarðanir byggjast á 50-90 mín. viðtölum sérfræðinga hjá Virk. Veldur þetta vandkvæðum í áframhaldandi meðferðarvinnu og óþægindum.

Höfum við einnig dæmi um að skjólstæðingur megi ekki halda meðferð áfram hjá sálfræðingi en engin rök færð fyrir því annað en að það sé byggt á einu ,,greiningarviðtali" og skuli undirgangast HAM meðferð við flókinni áfallastreitu. Breyti þar engu þótt að sálfræðingar sem sinntu skjólstæðingunum, vinni einnig út frá HAM. Virðist vera lítill skilningur á mikilvægi meðferðarsambands og að hugsanlega þekki sálfræðingurinn sem sinnir meðferðinni skjólstæðinginn betur aðili sem tekur eitt greiningarviðtal.

Stjórn telur mikilvægt að vekja athygli á ofangreindu meðal félagsmanna, kalla eftir umræðum og jafnvel frekari dæmum eða upplýsingum.

Hægt er að upplýsa stjórn eða ræða í trúnaði um einstaka mál. Óski félagsmaður eftir nafnleynd en vill koma upplýsingum áfram, þá getur stjórn útbúið þræði með málefnum og dæmum inn á lokaða spjallsvæðið okkar.

Hægt er að hafa samband við formann FSSS í s. 857-5777 og með tölvupósti soffiaelin@sentia.is Ef félagsmaður vill frekar ræða við aðra í stjórn, þá er meira en sjálfsagt að leita til þeirra.

Hagsmunamál FSSS

Thu, 19 Mar 2026 23:01:51 GMT

Hagsmunamál sem stjórni setti sér 30. október 2025

Stjórn FSSS lagði af stað með háleit markmið haustið 2025 um eftirfarandi:

Sýnileiki - Auka sýnileika meðal félagsmanna. Varpa ljósi hversu fjölmennur einkageirinn er og hversu breið og víðtæk þekking er til staðar hjá sjálfstætt starfandi sálfræðingum.

Samstaða - Efla samstöðu meðal sjálfstætt starfandi sálfræðinga.

Samstarf - Auka samstarf milli sjálfstætt starfandi sálfræðinga og við aðrar stéttir (geðlækna).

Helsta gagnrýni á okkur sjálfstæðu er að vinnubrögð eru ekki nægilega samræmd, skortur á endurmenntun og klofnun við opinbera geirann. Virðist skorta nægilegan skilningur á hlutverki okkar í heilbrigðiskerfinu og mikilvægi.

Sýnileiki : Samskiptamiðlar, opnir almenningi, ný og öflug heimasíða sem við munum bæta inn efni og hefur greinagóða kynningu á félagsmönnum og sálfræðistofum þeirra. Virkja félagsmenn í greinaskrif og að kvitta undir sem ,,sjálfstætt starfandi".

Samstaða : Halda hittinga og hvetja félagsmenn að mæta og tengjast (einstaklega vel heppnaðir í vetur!), Vísindaferðir á sálfræðistofur félagsmanna.

Samstarf - Betri kortlagning á félagsmönnum á heimasíðunni, lokað spjallsvæði, hægt að vísa hvert á annað o.fl.

Skoðun á markmiðunum? Tillögur?

Afþreying - þættir

Thu, 19 Mar 2026 22:28:31 GMT

Þættir, kvikmyndir og allt þar á milli

Mælirðu með einhverjum þætti, kvikmynd?

Vangaveltur eða langar þig til þess að kalla eftir umræðum?

Eitthvað rakið fyrir sálfræðinga sem vilja fræðast, hræðast, hlægja eða aftengja heilann?

Árshátíð og Aðalfundur FSSS

Wed, 18 Mar 2026 12:00:21 GMT

This is a subtitle for your new post

Þann 8. maí höldum við aðalfund félagsins og árshátíð. Munum við gleðjast og eiga góða stund saman. Frekari upplýsingar væntanlegar.

Lokaða svæðið, upplýsingar

Tue, 17 Mar 2026 22:36:39 GMT

Allt sem þú ÞARFT að vita um lokaða svæðið okkar!

Lokaða svæðið á heimasíðunni er eingöngu fyrir virka félagsmenn FSSS. Hérna er hægt að ræða saman um alls konar málefni, umræður líðandi stundar, hagsmunamál og önnur félagsmál sem viðkemur sálfræðistéttinni.

Með því að logga þig inn á lokaða svæðið ertu að samþykkja að veita fullan trúnað um þau málefni sem þar eru rædd. Skiptir þetta annars vegar máli til þess að veita félagsmönnum öruggan stað til þess að ræða mikilvæg málefni en höfum við hingað til ekki haft slíkan vettvang í boði en einnig þurfum við að standa vörð um umræður í tengslum við hagsmunamál okkar.

Félagsmenn hafa ekki haft öruggan vettvang til þess að tjá sig áður, annað en á hittingum félagsins og skiptir því sköpum um að leyfilegt sé að stíga fram með alls konar umræður. Við kunnum þetta, við erum sálfræðingar, við tölum saman en ekki um hvert annað.

Lokaða svæðið mun því koma til með að gegna mikilvægu hlutverki í okkar hagsmunamálum. Við erum í sama liði þótt störfin geti verið ólík og ávinningur fyrir sálfræðistéttarina er ávinningur okkar allra.

Félagsmönnum er velkomið að leggja til viðfangsefni spjallþráða í athugasemdum hér fyrir neðan. Áfram við!

Verkfærakista

Sat, 14 Mar 2026 12:00:15 GMT

Endurmenntun FSSS: Samskipti

Fræðslunefnd Félags sjálfstætt starfandi sálfræðinga stendur fyrir hagnýta Verkfærakistu um samskipti á vinnustað og í einkalífi sem haldin verður fimmtudaginn 9. apríl kl. 15:00 - 18:00 í Digraneskirkju. Skráning neðst í auglýsingu.

Í þessari verkfærakistu verður farið yfir samskipti út frá tveimur víddum, annars vegar samskipti í vinnu og hins vegar í einkalífinu.

Samskipti í vinnu:

Samskipti eru mikilvægur þáttur í sálfélagslegu vinnuumhverfi. Þegar samskiptavandi myndast getur það haft veruleg áhrif á líðan starfsfólks, teymisvinnu og menningu vinnustaða. Í erindinu verður fjallað um samskipti á vinnustöðum út frá fjórum lykilþáttum sem fagaðilar geta nýtt í starfi þegar unnið er með einstaklingum, teymum eða stjórnendum:

Áhættuþættir í samskiptum
Samskiptamynstur
Greining vanda
Inngrip

Markmiðið er að kynna fagaðilum sjónarhorn og hagnýtar aðferðir sem nýtast þegar unnið er með samskipti og ágreining á vinnustöðum.

Samskipti í einkalífi:

Samskipti eru grunnur að tengslum í fjölskyldum og nánum samböndum. Þegar samskiptavandi myndast getur hann haft víðtæk áhrif á líðan einstaklinga og tengsl innan fjölskyldunnar. Í erindinu verður fjallað um samskipti í einkalífi út frá kenningum Murray Bowen um fjölskyldukerfi. Bowen lagði áherslu á að skilja einstaklinga í samhengi við tengsl þeirra við aðra og þau mynstur sem mótast í nánum samskiptum. Fjallað verður um fjóra lykilþætti sem fagaðilar geta nýtt þegar unnið er með einstaklingum, pörum eða fjölskyldum:

Tengslakerfi og áhrif þeirra
Samskiptamynstur og tilfinningaleg viðbrögð
Tengslavandi og endurtekin mynstur
Inngrip sem styðja við aukinn skilning og heilbrigðari samskipti

Markmiðið er að veita fagaðilum innsýn í fjölskyldukerfi og samskiptamynstur og kynna aðferðir sem geta nýtast við að skilja og vinna með tengsl í nánum samböndum.

Um fyrirlesara: Ragnhildur Bjarkadóttir er sérfræðingur í vinnuvernd, klínískur sálfræðingur og fjölskyldufræðingur auk þess að vera með meistaragráðu í alþjóðasamskiptum. Hún er stofnandi Auðnast sem veitir vinnustöðum þjónustu á sviði heilsu og vinnuverndar og rekur jafnframt Auðnast Klíník meðferðarstofu. Ragnhildur hefur sinnt kennslu við Háskóla Íslands, Háskólann í Reykjavík og Endurmenntun.

Hægt er að fá frekari upplýsingar frá Fræðslunefnd FSSS með tölvupósti fraedslunefnd (a) fsss.is

Skráning á verkfærakistu: https://docs.google.com/forms/d/e/1FAIpQLScEk4wUHcRf4yTYgGkU17UsopTAxLDbF07AE5l5pol8QCx0uA/viewform

Hádegiserindi með Aldísi Þorbjörgu Ólafsdóttur sálfræðingi

Fri, 06 Mar 2026 11:52:06 GMT

Hádegiserindi með Aldísi Þorbjörgu

Aldís Þorbjörg Ólafsdóttir sálfræðingur hjá Kynheilsu og stjórnarkona Kynís verður með hádegiserindið "Öruggt rými á óöruggum tímum: Hlutverk sálfræðinga í þjónustu við hinsegin fólk" fyrir félagsmenn.

Vísindaferð á Núvitundarsetrið

Sun, 01 Mar 2026 12:00:23 GMT

Vísindaferð á Núvitundarsetrið

Núvitundarsetrið býður félagsmönnum FSSS í heimsókn þann 6. mars kl 16-19!

Vísindaferðir eru reglulegir viðburðir þar sem félagsmenn heimsækja hvern annan á stofurnar, fáum kynningu frá heimafólki, þiggjum góðar veitingar og gerum okkur glaðan dag.

Núvitundarsetrið er staðsett í Borgartúni 20, 3.h. Á stofunni starfa sálfræðingar við klíníska meðferð, halda námskeið og veita handleiðslu.

Hægt er að skoða stofuna á https://www.nuvitundarsetrid.is/

og fræðast meira um sálfræðingana sem þar starfa, þjónustuna og ýmis námskeið sem þar eru að finna.

Vísindaferð á Sálfræðistofu Reykjavík

Thu, 29 Jan 2026 12:00:25 GMT

This is a subtitle for your new post

Sálfræðistofa Reykjavíkur býður félagsmönnum FSSS í heimsókn þann 6. febrúar kl 17-20!

Vísindaferðir eru reglulegir viðburðir þar sem félagsmenn heimsækja hvern annan á stofurnar, fáum kynningu frá heimafólki, þiggjum góðar veitingar og gerum okkur glaðan dag.

Sálfræðistofa Reykjavíkur er staðsett í Borgartúni 31, 2.h. Á stofunni starfa sálfræðingar við greiningu og meðferð fullorðinna, fjölskyldumeðferð og veita handleiðslu fyrir fagaðila. Hægt er að skoða stofuna á https://salrvk.is og fræðast meira um sálfræðingana sem þar starfa, þjónustuna og ýmis námskeið sem auglýst eru hverju sinni.

Hádegiserindi með Sigríði Björnsdóttur sálfræðingi

Mon, 05 Jan 2026 12:00:26 GMT

Hádegiserindi með Sigríði Björnsdóttir sálfræðingi

Þann 15. janúar verður hádegiserindi með Sigríði Björnsdóttir sálfræðingi sem hún fjallar um hlutverk okkar sálfræðinga í tengslum við stuðning við aðstandendur barna sem orðið hafa fyrir kynferðisofbeldi.

Erindið verður á netinu, linkur sendur á félagsmenn áður en að erindið hefst kl 12.15.

Gleðilega hátíð

Wed, 24 Dec 2025 12:00:28 GMT

Gleðilega hátíð!

New Paragraph

Þarfaþing með Guðbrandi Árna Ísberg sálfræðingi

Mon, 20 Oct 2025 12:00:29 GMT

Þarfaþing með Guðbrandi Árna Ísberg sálfræðingi

Fyrsta þarfaþing vetrarins verður haldið fimmtudaginn 30. október kl. 17:00 í Grænuhlíð fjölskyldumiðstöð, Sundagörðum 2.

Guðbrandur Árni Ísberg sálfræðingur kynnir nýju bókina sína (kemur út næsta vor) og heitir: “Í augum þínum verð ég til - um ástina”. Árni hefur gefið út bókina Skömm og Í nándinni en síðari bókin er fáanleg á Storytel.

Veitingar á boðstólnum. Fundurinn verður einnig aðgengilegur í streymi, þannig að allir geta tekið þátt, hvar sem þeir eru staddir. Nánari upplýsingar í tölvupósti.

Við hlökkum til að sjá ykkur sem flest!

Stjórn Félags sjálfstætt starfandi sálfræðinga